Binahagi ni DJ Nicole Hyala ang kanilang nalampasang pagsubok matapos ma-comatose ang kanyang anak na si Princess.
Sa Instagram story ni Nicole, binahagi nito ang nangyari sa kanyang anak matapos tamaan ng meningoencephalitis, isang uri ng sakit na tumatama sa utak.
“I took a break from social media because I needed to take care of my Princess, who got sick with meningoencephalitis, a rare disease that causes inflammation of the brain,” ayon kay Nicole.
Abril na-confine sa ospital si Princess, Mayo naman ay gumaling na siya.
“Our story of victory. A story of how God took over and gave us a miracle. A story of hope. A story of God’s love.”
Sa Youtube vlog ni Nicole, binahagi niya at kanyang mister na si Renly Tiñala ang kanilang pinagdaanan buhat nang madala sa St. Luke’s Medical Center ang kanilang anak.
“Napakarami naming tanong ‘bakit si Princess?’ and it was really painful to see her there. Ang pinaka masaklap wala namang way para magbantay sa loob ng ICU,” sambit ni Nicole.