Personal para kay Jacque Manabat ang naging huling pag-eere ng ABS-CBN Regional Network Group nitong Biyernes.
Ito’y dahil doon siya nagsimula sa naturang network, hanggang sa maging journalist para sa ABS-CBN News.
Kaya naman hindi nito matanggap na nagsara na ang kanyang unang naging tahanan sa ABS-CBN.
“Masakit na makita ang huling araw ng mga departamentong pinanggalingan nang dahil sa mga ganid at may sariling interes,” saad ni Manabat. “Paanong ‘di ako magpupuyos sa galit?”
Sa ABS-CBN Regional Network Group nagsimula bilang reporter. Nahasa sa ABS-CBN Current Affairs bilang writer at producer.
Masakit na makita ang huling araw ng mga departamentong pinanggalingan nang dahil sa mga ganid at may sariling interes.
Paanong ‘di ako magpupuyos sa galit? pic.twitter.com/7Cn5yAbLhA— Jacque Manabat (@jacquemanabat) August 28, 2020