Pinitik ni ‘Igan’ Arnold Clavio ang ilang opisyal ng PhilHealth kasabay ng gumugulong na imbestigasyon sa umano’y katiwalian sa ahensya.
Sa Instagram post ni Igan, sinabi nito na parang kalyo umano ang naturang state insurer, minsan ay makapal, minsan din ay taga-PhilHealth.
Ito’y matapos na ilang opisyal na naman ng naturang ahensya ang nag-request na mag-leave habang nagsasagawa ang Kongreso at Senado ng probe sa PhilHealth.
Ngunit paliwanag ni presidential spokesperson Harry Roque, hindi naman umano kasama sa ‘mafia’ ang anim na regional vice president na nag-leave at kaya lumisan muna sa pwesto ay bilang pagsuporta sa imbestigasyon ng mga mambabatas at malayang masuri ang anomalya sa PhilHealth.