Isa si TV Patrol showbiz anchor Gretchen Fullido sa mga pinakamagagandang mukha sa news television.
Bukod sa kanyang natural na ganda, kapansin-pansin din na bawat labas niya sa ‘TV Patrol’ ay kabog ang kanyang kasuotan.
Nitong Miyerkoles ay muling nangibabaw ang porma ng 37-anyos na aktres, bagay na ibinahagi naman niya sa kanyang mahigit 419,000 followers sa Instagram.
“Workin’ it at work,” pahayag niya sa caption.
“Each day, we have a choice – to take one of two paths: to wait for some special day – or to celebrate each special day… What would you choose?” dagdag pa niya.
At sa isa pang Instagram post nitong Huwebes ay pinakita niya ang sikreto sa magandang katawan – ang pagwowork out sa kanyang tahanan.
Sa kanyang video post ay kasama pa niya ang alagang aso na si Simba sa pagwowork out.