Feeling ‘blessed’ si GMA reporter Mariz Umali nang ibahagi niya ang pinaka ‘di niya malilimutang coverage sa trabaho.
Sa isang video na nakapost sa IG ni Mariz, ibinahagi niya na ang coverage niya sa double canonization nina Blessed John XXIII at John Paul II sa Vatican City noong 2014 ang pinaka memorable.
“Being a devout Catholic I wanted to have that opportunity na sa mismong Vatican makakapagreport ako,” wika ni Mariz.
“Parang napakagrand ng coverage na ‘yun, matagal kong pinagdasal, hindi ko nakakamit, yun pala God is preparing me for something better,” dugtong pa niya.
Kaya naman para sa mga nainggit sa kanya sa mga napuntahan at naging coverage, may mensahe rin si Mariz.
“If this is your dream, talagang go for it, Hindi siya magiging madali, hindi mo maaabot ‘yung pangarap mo overnight, it’s a process,” pahayag ng reporter.
“Just go for it and always pray,” saad pa ni Mariz.