Maging ang beteranong sports broadcaster na si Sev Sarmenta ay humihingi rin ng dasal para sa mga atletang Pinoy na patuloy na sumasabak sa Tokyo Olympics.
Sa isang Twitter post nitong Hulyo 31 ay nanawagan si Sarmenta para sa suporta kahit pa mula sa mga Pinoy na wala sa Japan.
“Sama-sama nating ipagdasal ang mga natitira pang Filipino athletes na nandito sa Tokyo Olympics. Sama-sama tayong sumuporta. Para sa bayan ito!” saad sa tweet ni Sarmenta.
Si Sarmenta ay isa sa mga mapalad na Pinoy broadcaster na naatasang mag-cover ng Olympics sa Japan.
Ilan sa kanyang mga kasama roon ay sina Carlo Pamintuan at Gretchen Ho.